Paqembjellësi Anton Çeta

0

 

Sabit Rrustemi

Korniza gurësh e muresh theu
përmes gjuhës e buzëqeshjes
pa zhurmë e rrahagjoks

Me dashurinë e zemrës
i ra në gjunjë Nënëlokës
faqeve me një mal rrudha
ua piu lotët

I mbështjellur ilirishte
kryevepër kohe u bë
në krye oxhaku

Një botë shqipesh
qiejve të arratisur
mbi supe e mbajti
derisa e zbriti në tokë
për t’ua mësuar sërish ecjen

Urtaku i fjalëve
në Fjalë të Urtë u kthye
përmes Faljes e Pajtimit

Lavruesi i arave të serta
paqembjellësi Anton Çeta

PËRGJIGJU