Çka ta ban vetja, s’ta ban kerkush!

0
Shkruan: Ardian Azemi

Të qenit në opozitë, disi ta jep mundësinë me folë çka të duash, madje të lazdron goxha shumë. Kur je në pushtet, apo kur sovrani ta beson për me i krijua institucionet, disi të vjen njëfarë flladi që ta rrënqethë trupin.

Është krejt ndryshe të qenit në opozitë, e krejt muhabet tjetër të jesh në krye të shtetit. Krejt çka duhet tê bësh si opozitarë, është ti vësh vetës fre, me e ndal gojën sepse të kushton. Rrethanat aktuale të bëjn ta mendosh shumë herë nëse je i denj për ta qeverisë vendin ose jo.

Tu i akuzue për shumëçka partitë tjera, madje tu i quajt tradhtarë, kriminelë, argat të armikut, kapës të shtetit, të korruptuar, të nënshtruar ndaj Serbisë, kanë arritë me e mbjellë një shpresë për qytetarët e që tani po del se qenka e rrejshme. E kanë keqpërdor deri në ekstrem fukarallëkun e familjeve tona, tu i premtue një jetë dhe shtet ma të mirë, gjithnjë duke ia atribuar vetës epitetin “shpëtimtarët” e së ardhmes së popullit e të shtetit.

Patën thanë se dialog me Serbinë nuk do të ketë përderisa kjo e fundit nuk kërkon falje publike për atë që ka bërë në Kosovë, përderisa nuk i paguan dëmet e luftës, nuk e njeh realitetin e 17 shkurtit të 2008-së, e kushte tjera që do ti paraprinin uljes në tavolinë. Jemi në rregull me keto kushte, sepse edhe une vazhdoj të mendoj se do të duhej kështu, porse tanimë nuk është e mundur. Këta, sikur janë zbutë janë ba pambuk, i kanë harrua kushtet, po ulen në kafe-pauza me mohuesit e shtetit të Kosovës dhe krimeve gjatë luftës.

Mbi tre muaj nga zgjedhjet nacionale, dhe sot Kosova nuk ka qeveri. Vazhdimisht na kanë thanë se ndarja e pozitave nuk është fare problem për ne, demek për “koalicionin e shpresës”. Hajgare deri në pakufi, takime e deklarata të përditshme, natyrisht, të shoqëruara edhe me kunxha prej anash ndaj njëra-tjetrës. Janë zotuar se qeverine e Kosovës do ta bëjn me 12 ministri, ndërsa tani sipas fjalëve që po qarkullojnë nëpër medie, kanë kërkuar të rritet numri i tyre, nga 12 ne 16. Sigurisht për të mirën e Kosovës. Hajgare!

Për fund,

Pak rëndësi ka nëse do të arrihet marrëveshja për koalicion, që i hapë rrugë formimit të qeverisë. Tanimë e kuptuam se nuk janë as ndryshimi i premtuar, as ajo shpresa e vetme e deklaruar, madje as që dinë dhe duan të bëjn diçka të hajrit në këtë shtet. Nga bisedat me qytetarë, shohim një zhgënjim të madh tek ata, sepse pritjet i kishin të mëdha. U dëshmua se nuk dallojnë prej të tjerëve, bile edhe më keq se ata të 20 vjetve të kaluara.

PËRGJIGJU