Leicesteri i nis bisedimet me Fenerbahçen për Muriqin

0

 

Interesim për sulmuesin kosovar kanë shfaqur edhe klubet tjera angleze, Tottenham, Newcastle United, Leeds United, Southampton, West Bromwich Albion, Brighton dhe Burnley

Leicester City është mjaft i interesuar për transferimin e Vedat Muriqit.

Madje, mediumi turk “Star” raporton se klubi anglez i ka nisur bisedimet me Fenerbahçen për sulmuesin kosovar, përcjell Express.

Në ditët në vazhdim, drejtuesit e klubit nga Premierliga do të trokasin në dyert e klubit turk për t’ia kërkuar 26 vjeçarin.

Klubi nga Stambolli e vlerëson përfaqësuesin kosovar 20 milionë euro.

Gjithashtu, interesim për prizrenasin kanë shfaqur edhe klubet tjera angleze, Tottenham, Newcastle United, Leeds United, Southampton, West Bromwich Albion, Brighton dhe Burnley.

Lojtarin e duan edhe në Itali, Napoli dhe Lazio.

Ish-futbollisti i Rizesporit i ka regjistruar 36 ndeshje këtë sezon në të gjitha garat duke i realizuar 17 gola dhe ndërkohë i ka dhuruar 6 asistime.

PËRGJIGJU