Raporti për COVID-19, zero vdekje dhe 77 raste të reja në Kosovë

0

 

Gjatë 24 orëve të fundit në Laboratorin e Mikrobiologjisë Molekulare në IKShPK dhe laboratorët private me metodën RT-PCR, janë testuar gjithsej 649 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 77 raste pozitive.

Brenda 24 orëve nuk është raportuar për asnjë person të vdekur.

Kështu ka bërë të ditur ministri i Shëndetësisë, Armend Zemaj.

“Ndërsa sot, Kosova po shënon zero raste të vdekjeve të pacientëve të infektuar me COVID-19, nga 649 testime që janë bërë, pozitiv kanë rezultuar 77”, ka shkruar Zemaj në Facebook.

Numri total i rasteve pozitive është 16.502 raste nga 77.272 persona të dyshimtë në virusin SARS-CoV-2 dhe 650 raste të vdekjes.
Gjatë 24 orëve të fundit, janë shëruar 59 pacientë derisa numri i përgjithshëm i të shëruarve deri më sot është gjithsej 14.519 raste, kurse numri i rasteve aktive është 1.333.
Rastet pozitive janë nga komuna Prishtinë 46 raste, komuna Fushë Kosovë 7 raste, komuna Gjakovë 5 raste, komuna Vushtrri 4 raste, komuna Gjilan 3 raste, komuna Mitrovicë 3 raste, komuna Deçan 2 raste, komuna Drenas 2 raste, komuna Podujevë 2 raste dhe me nga një rast komunat Ferizaj, Lipjan dhe Shtime.

Postimi i plotë i Zemajt:

Shëndeti riprodhues është një nga objektivat për të tre nivelet e përkujdesjes shëndetësore në Republikën e Kosovës.
Prandaj, për të plotësuar nevojat e shëndetit riprodhues, në veçanti në QKUK, Klinikën e Gjinekologjisë do të bëhet e mundur shtimi i shërbimeve nga mjekët tanë për shëndetin riprodhues.
Në tryezën e organizuar nga Qendra Evropiane për Çështje të Komuniteteve në kuadër të projektit “Aktivitetet Ndërkufitare në Sektorin e Shëndetit Riprodhues-CARES”, theksova se menaxhimi i një sistemi shëndetësor, qoftë edhe gjatë një periudhe si pandemia kërkon fokus në të gjitha segmentet e tij.
Me këtë rast ne jemi të fokusuar që edhe shëndetin riprodhues ta trajtojmë me prioritet dhe në këtë kuptim tashmë jemi duke bërë hapa të rëndësishëm siç është:
• Plotësim ndryshimi i Ligjit për Shëndetësi,
• Ligji për Shëndetin riprodhues dhe
• Ligji për Shërbimet e Fertilizimit të Asistuar,
si dhe jemi duke punuar në hartimin e udhërrëfyesve dhe protokolleve klinike për shëndetin riprodhues.
Ndërsa sot, Kosova po shenon zero raste të vdekjeve të pacientëve të infektuar me Covid 19, nga 649 testime që janë bërë, pozitiv kanë rezultuar 77.

PËRGJIGJU