Konsumatori në prag falimentimi

0

 

Kryetari i organizatës “Konsumatori” Selatin Kaçaniku në një intervistë për Ekonomia Online, tha se në këtë kohë pandemie konsumatori po rrezikon falimentimin duke rënë pre e manipulimit me vëllimin, peshën e përbërjen e produkteve në treg.

Sipas tij, pandemia nuk kaloi pa prekur edhe bizneset kosovare e më lehtë nuk shpëtoi as qytetari konsumator.

Sipas tij, Qeveria më shumë merret me lobimin e asociacioneve dhe shoqatave të ndryshme biznesore.

“Dëmtimi i konsumatorit është jashtëzakonisht i madh, aq i madh sa që rrezikon edhe me falimentimin e tij dhe rreziku edhe më i madh mund të jetë nëse nuk fokusohet drejtë nga institucionet e shtetit dhe kjo kam frikë se do të ndodhë për arsye se Qeveria më shumë merret me lobimin e asociacioneve dhe shoqatave të ndryshme biznesore që nuk janë e gjithë ekonomia. Ndërsa brengën për qytetarin konsumator që është edhe taksapagues dhe gjenerues kryesor i buxhetit të shtetit nuk e bartë askush. Dhe nëse ky injorim do të vazhdojë mendoj që falimentimi i konsumatorit do të jetë shumë i afërt”.

“Ne zakonisht ankohemi për çmimet dhe për ato që nuk janë ngritje, por janë ngritje me manipulime të ndryshme përmes vëllimit, peshës përbërësve e të tjera. Por pa dashur që ta bëjë avokatin e prodhuesve ose tregtarëve mendoj se krahasuar me këtë gjendje, krahasuar me rrethanat globale, me problemet që janë gjetiu, mendoj se ne në Kosovë po përballemi shumë mirë. Por nuk mund të them që ngritje nuk ka, në të gjitha trajtat që i përmenda unë. d.m.th ngritje ka, por janë të përballueshme”.

Poashtu Kaçaniku pohoi se ka rënie të ankesave të konsumatorëve pasi që sipas tij, ka humbur besimi në gjetjen e zgjidhjes nga adresat përkatëse.

“Ne ankesat i pranojmë edhe në mënyrë direkte, sipas obligimit zyrtar ne marrim edhe nga mediumet, portalet kudo ku gjejmë ankesa ne ato i shqyrtojmë dhe përpiqemi që me kapacitetet tona tepër modeste ti përgjigjemi çdo qytetari konsumator. Ankesa ka, por çuditërisht jo pse është përkeqësuar gjendje por numri i tyre është në ulje për arsye se është një liturgji është një humbje besimi është një kohë pa shpresë sepse vërtetë ankesat tona vonohen shumë në gjyq”.

“Gjyqet janë të ngarkuara me 300 mijë ankesa, ato ankohen se nuk janë të motivuara njësoj si inspektoriatet të motivuara financiarisht, teknikisht dhe kategorikisht. Ashtu që në të gjitha rastet qytetari konsumator përkundër faktit që është taksapagues i buxhetit dhe i paguan nga buxheti gjithë këta po del i pambrojtur”.

Kaçaniku gjithashtu ka treguar se i është drejtuar Qeverisë me një kërkesë, por që ende nuk ka marr asnjë përgjigje.

“Natyrisht që ne nuk kemi fuqi ekzekutive dhe ndihmën tonë mund ta ofrojmë vetëm në bashkëpunim me departamentin, zyrën dhe Këshillin për Mbrojtjen e Konsumatorit pranë Ministrisë së Tregtisë dhe Industrisë në bashkëpunim me rregullatorët  dhe mekanizmat, inspektoratet. Në bashkëpunim edhe më tutje nëpërmes tyre edhe me gjykatat kompetente. Nuk mund të bëjmë asgjë vetëm, e bëjmë bashkë këtë. Ne i procedojmë të gjitha këto por edhet temat e çështjet që janë të nivelit pak më të lartë ndoshta edhe juridiko-kushtetues e ligjor”.

“Ato i trajtojmë përmes institucioneve siç e përmenda çështjen e falimentimit ne i kemi dërguar letër të hapur Qeverisë që të kujdeset ta parapengojë falimentimin e qytetarit konsumator taksapagues, fillimisht duke aplikuar një dokument të nivelit të strategjisë dhe për një kohë të shkurtër ta bëjë edhe ligjin për mbrojtjen ose menaxhimin e falimentimit. Nuk kemi marr përgjigje ende dhe kjo heshtje na brengosë edhe më shumë sepse qytetari konsumator çdo sekondë bënë veprime dhe arsyeja dhe promotori i zhvillimit ekonomik, të zhvillimit të tregut, bizneseve, kryesja e ekzistimit të shtetit e institucionit dhe mos me pas përgjigje është e pafalshëshme, e paarsyeshme dhe e pakuptueshme” ka thënë më tej ai.

Shqetësues është fakti se ka rënie të konsumit, ku Kaçaniku ka thënë se kjo po vjen si shkak i rritjes së numrit të papunësisë, mbylljes së bizneseve dhe mungesës së produkteve themelore ushqimore.

“Nëse ne kemi numër të papunësisë në rritje, numër të bizneseve të mbyllura në rritje, një kohë patëm edhe numër të mungesës së artikujve themelor ushqimor në rritje natyrisht që bije konsumi. Nëse në këto rrethana siç u tha në lajme dje se në Evropë ka rinisë mbyllja e gastronomive e hoteleve natyrisht që ka ulje dhe në këto raste duhet që të gjithë ne po nisem nga konsumatori të kemi alarm të brendshëm dhe të shohim se cila është detyra jonë”.

“Nuk është shteti fajtor se na ka rënë epidemia apo pandemia, andaj ne shtetin nuk mund ta akuzojmë përmes Qeverisë por ne duhemi t’i ofrohemi për ndihmë. Këtë e kemi bërë edhe ne që nga shfaqja që nga dita e parë i jemi ofruar Qeverisë për ndihmë. Po presim që Qeveria të reflektojë të kujtohet se ka nevojë për qytetarin konsumator siç ka nevojë për taksat tona pra presioni që bëhet nëpërmjet lobimeve të ndryshme e bënë Qeverinë fajtore ndërsa s’është e tillë. Duhet të reflektojmë të gjithë në bashkëpunim ndërsa ata që punojnë drejtpërdrejtë në prodhim në tregti e shërbime, të jenë inovativ dhe të gjejnë trajta të mbijetesës ekonomike”, ka përfunduar Kaçaniku për Ekonomia Online.

PËRGJIGJU