Tuesday, December 1, 2020
Kuqezinjtë nisin përgatitjet për Bjellorusinë

Kuqezinjtë nisin përgatitjet për Bjellorusinë

0

 

Shqipëria iu rikthye stërvitjes pas fitores me Kazakistanin në kompleksin “Tropikal”, me kuqezinjtë që nisën përgatitjet për ndeshjen e fundit në Nations League kundër Bjellorusisë, ku do të kërkojnë suksesin për të fituar dhe grupin e për të vajtur në finalet e Ligës C.

Në ndeshjen me Bjellorusinë, Shqipëria nuk do të ketë shërbimet e Amir Abrashit, që mungon për shkak kartonësh, ndërkohë që pjesa tjetër e grupit është e plotë. Kuqezinjtë zhvilluan një seancë me ngarkesë të ulët fizike dhe për shkak të impenjimit që patën me Kazakistanin, transmeton Super Sport.

Grupi u nda në dy pjesë nga ana e trajnerit Edi Reja, ku njëri grup përbëhej nga lojtarët që ishin titullar në ndeshjen e fituar ndaj Kazakistanit, që kreu vrapime të lehta rreth fushës, ndërsa grupi i dytë nga futbollistët që nuk ishin aktivizuar në përballjen me kazakët, ju nënshtruan disa ushtrimeve më të rënda.

Humori në kampin kuqezi ishte dukshëm i lartë si pasojë dhe e dy fitoreve radhazi të marra, njëra në miqësoren me Kosovën dhe tjetra në sfidën zyrtare me Kazakistanin, që ishte edhe fitorja e dytë në grup për Shqipërinë.

 

PËRGJIGJU