Kroacia shpreh gatishmëri për ta ndihmuar Kosovën në zhvillimin e bujqësisë

0

 

Ministri i Bujqësisë, Pylltarisë dhe Zhvillimit Rural, Faton Peci në një takim me ambasadoren e Kroacisë në Kosovë, Danijela Barišić, ka diskutuar për mundësitë e bashkëpunimit mes dy vendeve në këtë sektor tejet të rëndësishëm për zhvillim ekonomik.

Gjatë takimit, ata u pajtuan që të thellojnë bashkëpunimin mes Kosovës e Kroacisë, në veçanti në shkëmbimin e eksperiencave dhe praktikave më të mira në zhvillimin dhe avancimin e sektorit të bujqësisë si një nga potencialet kryesore të dy vendeve.

Ministri e njoftoi ambasadoren edhe me programet zhvillimore dhe projektet e Ministrisë, përmes të cilave theksoi se synojnë që gjatë këtij mandati ta avancojnë këtë sektor sipas standardeve më të mira evropiane.

Nga ana e saj ambasadorja, Danijela Barišić, rikonfirmoi gatishmërinë e shtetit të saj për të ndihmuar zhvillimin bujqësor të vendit.

PËRGJIGJU

Please enter your comment!
Please enter your name here