Lugatëria propagandistike serbe dhe “Ballkan Open”

0

 

Nga Adem Nimani

Duke lexuar lajmet sportive serbe, shohim sesi shtypi i dirigjuar nga politika e Beogradit shkon aq larg për të penguar e shantazhuar, jo vetëm Republikën e Kosovës, por edhe çdo sportist të saj, në cilindo sport apo garë që merr pjesë.

Radio B92 me titull të madh shkruan se futbollisti i Kosovës Lirim Kastrati që tash është lojtar i Dinamos së Zagrebit, nuk ka të drejtë të luajë në Moldavi, ku duhet të shkojë skuadra e tij kroate.

Së pari, pasi Moldavia nuk e njeh pavarësinë e Kosovës, nuk duhet ta lejojë Lirim Kastratin të kaloj kufirin me pasaportë të Kosovës, thotë shtypi serb.

 

Së dyti eventualisht, nëse arrihet ky ndalim, kështu të dëmtohet edhe skuadra e Dinamos, e cila ndeshet me skuadrën “Sherif”, nga Moldavia, e cila eliminoi Crvena Zvezden e Beogradit.

Shtypi i Beogradit nuk nguron të thotë se Lirim Kastrati pasi është nga i “ i ashtuquajturi” shtet i Kosovës, nuk ka të drejtë të kalojë kufirin e të luaj në vendin që nuk e njeh Kosovën e pavarur.

Lugatëria propagandistike serbe shtihet e verbër dhe e paditur, duke harruar me qëllim se Kosova duke qenë e pranuar na FIFA dhe UEFA, edhe lojtarët e saj kanë të drejtë loje e pjesëmarrje në të gjitha garat e këtyre federatave.

Dihet mirë se Kosova sot është anëtare e të gjitha federatave ndërkombëtare të sportit dhe së paku këtu Serbia as nuk ka të drejtë morale të fusë nofkën e saj të lugatit.

Serbia e di mirë sa futbollistë shqiptarë të Kosovës luajnë në gjithë Evropën edhe më larg. Ka futbollistë shqiptarë të Kosovës që luajnë edhe në ato shtete që nuk e kanë njohur akoma pavarësinë e Kosovës, si Spanja, apo Greqia.

Nëse UEFA e FIFA a kanë njohur Kosovën, është krejt e qarte se asnjë shtet nuk mund te mos i pranojë edhe lojtarët që kanë pasaportë të Kosovës e që në një moment mund të kenë nevojë për të hyrë apo për të dal nga një vend ku shkojnë për gara të caktuara.

PËRGJIGJU

Please enter your comment!
Please enter your name here