Viti: Priten në takim përfaqësuesit e UNICEF-it për Kosovë

0

 

James Mugaju, zv. shefi i Zyrës së UNICEF-it për Kosovë dhe Dr. Agron Gashi, janë pritur, sot, në një takim nga kryetari i Komunës së Vitisë, Sokol Haliti dhe drejtoresha e QMKF-së së Vitisë, Dr. Vjollca Kadolli-Halili. Gjatë këtij takimi është biseduar mbi vizitat shtëpiake për nëna dhe fëmijë që po bëhen në familjet vitiase.

Kryetari Haliti ka folur për punën që po bëjnë institucionet komunale për të ofruar shërbime sa më të mira për qytetarët.

“Institucione komunale të Vitisë në bashkëpunim të plotë me Qendrën Kryesore të Mjekësisë Familjare në Viti, mbesin të përkushtuara që përkundër mungesave të stafit dhe sfidave që paraqiten që të jemi sa më afër qytetarit me shërbime sa më të mira. Kjo që është edhe prioritetin ynë”, u shpreh kryetari Haliti.

Ndërkaq zv.shefi i Zyrës së UNICEF-it, James Mugaju u shpreh se ai ndihet impresionuar me përkushtimin e kryetarit si lidership duke potencuar se UNICEF-i është e gatshëm që të përkrah këtë komunë në realizimin e vizitave për nënat dhe fëmijët. Ai shtoj se ata do të mundohen të përkrahin edhe në sfidat tjera me të cilat ballafaqohet kjo komunë.

Gjithashtu, përfaqësuesit e Zyrës së UNICEF-it nën shoqërimin Kryetarit Haliti, drejtorit të Shëndetësisë dhe Mirëqenies Sociale, Basri Aliu dhe drejtoreshës Kadolli-Halili kanë vizituar edhe një familje vitiase që është përfituese e vizitave shtëpiake. Vizitat shtëpiake po bëhen falë bashkëpunimit të kësaj komune me UNICEF-in dhe Ministrinë e Shëndetësisë së Republikës së Kosovës./GJILANI.INFO/

PËRGJIGJU