Ndahen çmimet për sportistët e dalluar të vitit 2018

0

 

Kryetari i Komunës Qëndron Kastrati, bashkë me Nënkryetarin Faton Jakupi e Drejtorin për Kulturë, Rini dhe Sport, ditën e djeshme kanë ndarrë çmimet dhe mirënjohjet për sportistët më të dalluar të komunës sonë.

Kryetari Kastrati tha se u është shumë mirënjohës të gjithë sportistëve që po na bëjnë krenarë në nivel kombëtar e ndërkombëtar.

Mirënjohjet e para janë ndarë nga Zyrtarja për Sport në Kamenicë, Ajshe Hoda-Thaqi për sportistët junior, kurse për sportistët e dalluar të Kamenicës për vitin 2018, mirënjohjet I ka ndarë përgjegjësi për sport Agim Avdullahu.

Çmimin sportisti I vitit për vitin që lamë pas e ka fituar atleti nga Klubi Atletik “Rogana”, Musa Hajdari. Titulli për klubin më të mirë, I takoi Klubit Atletik “Rogana” dhe trajneri më i dalluar është zgjedhur Zijadin Kryeziu, selektori I reprezentacionit të Kosovës në Atletikë.

Nënkryetari Faton Jakupi ndau çmimin e veteranit të vitit në sport, çmim ky që I takoi Sevdai Thaqit.

Komisioni nga Drejtoria për Kulturë, Rini dhe Sport ka zgjedhur si lojtar nderi Lirim Kastratin i cili luan për Kombëtaren e Kosovës dhe ekipin “Lokomotiva” në Zagreb dhe këtë çmim e ndau Drejtori I DKRS-së në Kamenicë, Arianit Ibrahimi.

Sportistët e dalluar për vitin 2018 janë:

1.Viona Kryeziu (KA Rogana), olimpiste në Tokio 2020

2.Astrit Kryeziu (KA Rogana)olimpist në Tokio 2020

3.Leon Thaqi (KA Rogana)

4.Merita Borovci (Lojtare e përfaqësueses së femrave nga Kombëtarja e Kosovës)

5.Edona Kryeziu (Lojtare e përfaqësueses së femrave nga Kombëtarja e Kosovës)

6.Kaltrina Biçkaj (Lojëtare e përfaqësueses së femrave nga Kombëtarja e Kosovës)

7.Augent Latifaj (KF Kika)

8.Kushtrim Rexhepi (KF Bashkimi)

9.Egzon Huruglica (KF Dardana)

10.Elona Hiseni(KV Feniksi)

11.Luan Maliqi (Klubi i karates Arbëria)

12.Përfaqësuesi nga Klubi i çiklizmit “Dardana”./GJILANI.INFO/

PËRGJIGJU