Zbulohet misteri i kafkës 33 mijë vjeçare

0

 

“Rreth 33.000 vjet më parë, një burrë u vra në një shpellë në Rumani”, tha një ekip shkencëtarësh. Ekspertët dolën në konkluzionin se kafka e fosilizuar ishte thyer nga dhuna e ushtruar, duke treguar kështu se vrasja ishte pjesë e jetës së njeriut të lashtë.

Kafka, e njohur si Cioclovina calvaria, u zbulua nga minatorët në një shpellë në jug të Transilvanisë në vitin 1941. Ajo u gjet pranë veglave të lashta të gurit.

Mendohet të jetë një nga fosilet më të hershme të njeriut modernë  në Europë dhe e ruajtur mirë.

Që nga zbulimi i saj, studiuesit kanë studiuar kafkën, e cila i përkiste një mashkulli të rritur. Katerina Harvati, nga Eberhard Karls Universität Tübingen në Gjermani, tha për Newsweek: “Ai mendohet të ketë  qenë anëtari i një fisi gjahtarësh që jetonte  nën kushte ndoshta relativisht të vështira klimatike … Ndoshta i përkiste kulturës Aurignacian, një industri e vegël guri e lidhur me njerëzit më të hershëm të Paleolitit të epokës moderne në të gjithë Evropën “, transmeton TCH.

Ai gjithashtu pësoi disa thyerje të kafkës – dy të vogla në front që ishin shkaktuar para vdekjes dhe një tjetër, frakturë e madhe në anën e djathtë të kafkës.

Thyerja  në të djathtë të kafkës u shkaktua në një konfrontim ballë për ballë mes autorit dhe viktimës.  Lëndimet në kokë nuk u shëruan, duke bërë që  goditjet të ishin fatale.

PËRGJIGJU