Limaj: Nisma e ka prioritet kryesor bujqësinë

0

 

Kandidati për kryeministër nga radhët e koalicionit NISMA-AKR-PD, Fatmir Limaj, ka thënë se një nga prioritetet kryesore të Nismës do të jetë investimet në bujqësi.

Kreu i Nismës Socialdemokrate ka thënë se buxheti i Kosovës duhet të orientohet në investimet në bujqësi dhe në këtë drejtim ata planifikojnë të investojnë 500 milionë euro në bujqësi brenda një mandati katër vjeçar duke stimuluar kështu bujqit.

“Nisma Socialdemokrate bashkë me partnerët e saj është duke hartuar programin qeverisës ku një nga prioritetet kryesore do të jetë fuqizimi i bujqve të Kosovës. Ne vlerësojmë se duhet ndryshuar formën e ndarjes së granteve në bujqësi, sepse kështu siç është aplikuar deri më tani nuk po ndihmohen sa duhet bujqit tanë”, shkruan Limaj në Facebook.

Më tutje, Limaj shkruan se në këto dy vite qeverisjeje është munduar maksimalisht që t’i mbështes prodhuesit vendorë, bizneset e vogla dhe të mesme, por ka qenë i pakënaqur me politikat në bujqësi, për ç’gjë ai ka shprehur hapur pakënaqësinë.

Postimi i plotë i Limajt:

Fuqizimi i bujqve tanë, ndër prioritetet kryesore të Nismës

Të nderuar qytetarë të Kosovës, Nisma Socialdemokrate do t’i ketë një nga prioritetet kryesore investimet në bujqësi. Fuqizimi i bujqve tanë nënkupton hapje të vendeve të reja të punës, zhvillim më të hovshëm ekonomik dhe siguri më të madhe të produkteve që konsumojmë.

Në këto dy vite qeverisjeje jemi munduar maksimalisht që t’i mbështesim prodhuesit vendorë, bizneset e vogla dhe të mesme, por kemi qenë të pakënaqur me politikat në bujqësi, për ç’gjë kam shprehur hapur pakënaqësinë time.

Nisma Socialdemokrate bashkë me partnerët e saj është duke hartuar programin qeverisës ku një nga prioritetet kryesore do të jetë fuqizimi i bujqve të Kosovës.

Ne vlerësojmë se duhet ndryshuar formën e ndarjes së granteve në bujqësi, sepse kështu siç është aplikuar deri më tani nuk po ndihmohen sa duhet bujqit tanë. Nisma Socialdemokrate vlerëson se investimet në bujqësi, përmes granteve duhen rritur ndjeshëm si parakusht për rritjen e sektorit të bujqësisë.

Ne vlerësojmë se buxheti i Kosovës duhet të orientohet në investimet në bujqësi dhe në këtë drejtim ne planifikojmë të investojmë mbi 500 milionë euro në bujqësi (brenda një mandati katër vjeçar) duke stimuluar kështu bujqit tanë të kultivojnë kultura tradicionale dhe të reja bujqësore. FL

PËRGJIGJU